सुर्खेतमा जीप दुर्घटना हुँदा चार जनाको मृत्यु

काठमाडौँ- सुर्खेतमा जीप दुर्घटना हुँदा चार जनाको मृत्यु भएको छ । वीरेन्द्रनगर–११ झुप्रोखोलास्थित रत्न राजमार्गमा दुर्घटनामा गएराति बागमती प्रदेश ०१०-२६ च ९२१३ नम्बरको जीप दुर्घटना भएको हो । 

दुर्घटनामा जीप चालक वीरेन्द्रनगर ७ का २७ वर्षीय सागर शाही, डुङ्गेश्वर गाउँपालिका ५ का ३३ वर्षीय दिपेन्द्रजंग शाही, भगवतीमाई गाउँपालिका ५ बस्ने ३१ वर्षीय बबिन शाही र दैलेखको गुराँस गाउँपालिका ३ का ३६ वर्षीय राजेन्द्र बिसीको मृत्यु भएको हो।

चारैजनाको कर्णाली प्रदेश अस्पताल सुर्खेतमा उपचारका क्रममा आइतबार बिहान मृत्यु भएको प्रहरीले जनाएको छ। घाइते एक जनाको उपचार भइरहेको छ। 

गाडी सडकबाट ७०/८० मिटर तल खसेको छ । गाडीमा पाँच जना सावार थिए ।