शंकर ग्रुप प्रोटोन गाडीको आधिकारिक बिक्रेता

काठमाडौं । शंकर ग्रुपले नेपाली बजारमा मलेसियाको प्रतिष्ठित कम्पनी प्रोटोनका गाडी भित्र्याउने भएको छ । यसका लागि काठमाडौंको नक्साल, गैरीधारामा अन्तर्राष्ट्रिय स्तरको अत्याधुनिक सोरुम सञ्चालनमा ल्याउन लागेको आधिकारिक बिक्रेता शंकर ग्रुप अन्तर्गतको जगदम्बा मोटर्सले जनाएको छ । जगदम्बा मोटर्सले प्रोटोनको थ्री एस (सेल्स, सर्भिस र स्पेयर पार्ट्स) उपलब्ध गराउने छ । चाडपर्वको मौसम लगत्तै उक्त सोरुम शुभारम्भ हुने जगदम्बा मोटर्सले जनाएको छ । प्रोटोनको सोरुम आकर्षक स्पेस सहितको छ भने प्रोटोनको अन्तर्राष्ट्रिय मापदण्ड अनुसार निर्माण भएको छ । यसले नेपाली ग्राहकलाई उत्कृष्ट अनुभव प्रदान गर्नुका साथै एक आकर्षक गन्तव्यको रुपमा समेत आफ्नो पहिचान कायम गर्ने विश्वास गरिएको छ ।
नेपाली बजारमा पहिलो चरणमा प्रोटोन सागा सेडान उपलब्ध गराउने र त्यसपछि क्रमशः माग अनुसार अन्य मोडलका सवारी साधन उपलब्ध गराइने कम्पनीले जनाएको छ ।