मोदीले मन्त्रीहरूलाई दिए जनताको बिचमा पुग्‍न निर्देशन

नयाँ दिल्ली : प्रधानमन्त्री नरेन्द्र मोदीले संघीय मन्त्री परिषद्को बैठकमा सरकारको सबै अङ्ग एकजुट र द्रुत रूपमा काम गरिरहेको बताएका छन् ।  कोभिड–१९ को दोस्रो लहरले पैदा गरेको अवस्थालाई सामना गर्न जनताको बिचमा पुग्‍न शुक्रबार उनले उच्चपदस्थ कर्मचारी तथा मन्त्रीहरूलाई निर्देशन दिएका हुन् ।  

मन्त्रीहरुलाई आ–आफ्नो क्षेत्रका मानिससँग सम्पर्कमा रहन, मद्दत गर्न र उनीहरूको सुझाव लिन पनि उनले आग्रह गरेको बताइएको छ । प्रधानमन्त्री मोदीले स्थानीय स्तरमा समस्याहरू तुरुन्त पहिचान गरी सम्बोधन गर्न सुनिश्चित हुनुपर्नेमा जोड दिए ।  भिडियो सम्मेलनको माध्यमबाट बसेको बैठकमा केन्द्रीय मन्त्रीहरू, प्रधानमन्त्रीका मुख्य सचिव र क्याबिनेट सचिव पनि उपस्थित थिए ।