मान/सम्मानका लागि होइन, देशकाे उन्नति गर्न सरकार बनाउने हो : अध्यक्ष ओली

काठमाडौँ–नेकपा एमालेका अध्यक्ष केपी शर्मा ओलीले मान/सम्मानका लागि नभएर देशको उन्नतिका लागि सरकार बनाउनुपर्ने बताए । सोमबार प्रतिनिधिसभाको पहिलो बैठकमा बोल्दै ओलीले देशकाे उन्नति गर्न सरकार बनाएको बताएका हुन् । 

उनले नयाँ आएका दललाई पनि इंगित गर्दै पार्टी खोल्दैमा परिवर्तन नआउनेसमेत बताए । ‘पार्टी खोल्दैमा परिवर्तन आउने होइन,’ उनले भने, ‘थुप्रै आएका पनि थिए । अहिले परिवर्तनको ट्रेन्ड हो । देशमा उन्नति गर्न सरकार बनाउनुपर्छ । मान/सम्मानका लागि होइन । जनताका निम्ति काम गर्न सरकार चाहिन्छ । बन्नका लागि बनिदिने होइन । काम गर्नका लागि बन्नुपर्छ ।’ 

उनले आफूहरु सांसद बन्नका लागि मात्रै आएको नभएर जनताका लागि काम गर्नलाई संसद्मा आएकोसमेत बताए ।