कस्तो छ पूर्वरानी कोमलको स्वास्थ्य अवस्था ?

काठमाडौँ : कोभिड-१९ को संक्रमित पूर्वरानी कोमल शाहको अवस्था सुधार उन्मुख रहेको छ । उनलाई बिहीबारदेखि नै प्लाज्मा दिएर उपचार गराइएको छ । शाहलाई  आइसियूमै राखेर उपचार भइरहेको छ।

उनलाई अहिले प्रतिमिनेट १० लिटर अक्सिजन दिइएको अस्पतालले जनाएको छ । प्लाज्मा दिइए पनि अवस्था पूरै सुधार नभएसम्म अक्सिजन हटाउन नमिल्ने हुनाले उनलाई अहिले पनि अक्सिजन नै दिएर उपचार गरिएको हो ।

भारतको हरिद्वारबाट फर्किएपछि पूर्वराजा ज्ञानेन्द्र र रानी कोमललाई कोभिड संक्रमण भएको थियो । पूर्वराजा ज्ञानेन्द्रको भने अवस्था सामान्य रहेको भए पनि थोरै अक्सिजनको सपोर्ट उनलाई पनि दिइएको छ ।

उनीहरुसँगै अस्पताल भर्ना भएकी छोरी प्रेरणालाई भने अक्सिजन विना नै उपचार भइरहेको छ । उनको अवस्था सामान्य रहेको छ । वैशाख ७ मा उनीहरू अस्पताल भर्ना भएका थिए ।  कोमललाई भने बुधबारदेखि नै आइसियूमा राखिएको थियो ।