कोभिड-१९ अपडेट : बिहीबार मात्रै ३५ जनाको मृत्यु, ४९२८ मा संक्रमण

फाइल तस्बिर

काठमाडौँ : बिहीबार कोभिड–१९ संक्रमणबाट ३५ जनाको मृत्यु भएको छ । नेपालमा हालसम्म ज्यान गुमाउनेको सख्या ३ हजार २४६ पुगेको हो ।

पछिल्लो २४ घण्टामा ४९ सय २८ जनामा कोभिड पुष्टि भएको छ । देशभर गरिएको १२ हजार ५९७ पीसीआर परीक्षणका क्रममा चार हजार ८३१ जना र ९६३ एन्टिजेन परीक्षणका क्रममा ९७ जनामा संक्रमण पुष्टि भएको स्वास्थ्य मन्त्रालय तथा जनसंख्या मन्त्रालयले जनाएको हो ।

योसँगै नेपालमा कोभिड–१९ संक्रमितको संख्या तीन लाख १७ हजार ५३० पुगेको छ ।  त्यस्तै ८८८ जना संक्रमणमुक्त हुँदा नेपालमा हालसम्म दुई लाख ८० हजार १६७ जना संक्रमित निको भएका छन् । हाल ५९ जना क्वारेन्टाइनमा छन् । नेपालमा हालसम्म २४ लाख ५८ हजार ५६५ पीसीआर परीक्षण गरिएको मन्त्रालयले जनाएको छ ।