दुर्घटनामा एकको मृत्यु

सांकेतिक तस्बिर

बुटवल- बुटवलमा भएको सडक दुर्घटनामा परेर एक जनाको मृत्यु भएको छ । पश्चिमबाट पूर्वतर्फ आउँदै गरेको ग १ ज ६३६७ नम्बरको बलेरो पिकअप जिप शुक्रबार राति दुर्घटना हुँदा प्युठानको गौमुखी गाउँपालिका-१ का २८ बर्षीय रोशन गिरीको मृत्यु भएको बुटवल प्रहरीले जनाएको छ ।

उक्त जिप अनियन्त्रित भई दुर्घटनामा हुँदा सोही स्थानका २९ बर्षीय सुरेश तामाङ र मिनबहादुर तामाङ घाइते भएका छन् । घाइतेमध्ये सुरेश तामाङको अवस्था गम्भीर रहेको ईलाका प्रहरी कार्यालय बुटवलले जनाएको छ ।
प्रहरीका अनुसार तिव्र गतिमा सडकको बायाँ साइडबाट गुडिरहेको उक्त जिप सडकको मध्य भागमा रहेको पर्खाल र बार नाघेर विपरित दिशामा पुगेको थियो ।