पूर्वरानी कोमललाई आइसियूमा राखियो, ज्ञानेन्द्रको अवस्था सामान्य

फाइल तस्बिर

काठमाडौँ : कोभिड-१९ संक्रमित पूर्वरानी कोमल शाहलाई अक्सिजनको मात्रा कम देखिएपछि आइसियूमा राखेर उपचार थालिएको छ । कोमललाई श्वासप्रश्वासमा समस्या देखिएपछि बुधबारदेखि अस्पतालको आइसियूमा राखेर उपचार थालिएको हो ।

नर्भिक अस्पतालका अनुसार कोमलको श्वासप्रश्वासमा समस्या देखिएको र अक्सिजनको पनि कमी देखिएपछि आइसियूमा सारिएको हो । 

पूर्वराजा ज्ञानेन्द्र शाहको स्वास्थ्य अवस्था भने सामान्य रहेकाले अक्सिजन दिनु परेको छ । तर छोरी प्रेरणालाई भने अक्सिजन दिनु नपरेको अस्पतालले जनाएको छ ।