गण्डकी प्रदेश सभाका ज्येष्ठ सदस्यले शपथ लिए

पोखरा । गण्डकी प्रदेशसभाका ज्येष्ठ सदस्य मित्रलाल बस्यालले आज पद तथा गोपनीयताको शपथ लिएका छन् । गण्डकी प्रदेश प्रमुख पृथ्वीमान गुरुङले संविधानको धारा १८२(५)र प्रदेशसभा निर्वाचन ऐन २०७४ को दफा ७५(१) बमोजिम बस्याललाई शपथ गराएका हुन् ।

बस्याल पर्वत निर्वाचन क्षेत्र नं १(२) बाट निर्वाचित भएका हुन् । बस्यालले बिहिबार गण्डकी प्रदेशका अन्य सांसदहरुलाई प्रदेश सभा भवनमा पद तथा गोपनीयताको शपथ खुवाउने कार्यक्रम छ । गण्डकी प्रदेश सभामा कांग्रेस २७ ल्याएर गण्डकी प्रदेशको ठूलो दल बनेको छ । नेपाल कम्युनिष्ट पार्टी एमाले २२ सिटसहित दोस्रो दलको भूमिकामा छ ।

त्यसैगरी माओवादी केन्द्र ८ सिटसहित तेस्रो दल बनेको छ । २ सिटसहित गण्डकी प्रदेशमा चौथो दल बन्दै पहिलो पटक गण्डकी प्रदेश सभा भवन प्रवेश गर्नेछ । नेकपा एकीकृत समाजवादीले स्वतन्त्र निर्वाचित भएका राजीव गुरुङलाई पार्टी प्रवेश गराएसँगै १ सिटमा उपस्थिति जनाउनेछ ।