जनकपुरको लगातार दोस्रो जित, ललितले लिए ५ विकेट

काठमाडौँ- नेपाली टी-ट्वान्टी क्रिकेट लिग अन्तर्गत जनकपुर रोयल्सले लगातार दोस्रो जित हात पारेको छ । त्रिवि क्रिकेट मैदानमा सोमबार भएको खेलमा बिराटनगरलाई ५ विकेटले हराउँदै जनकपुरले दोस्रो जित हात पारेको हो ।

१ सय ४१ रनको लक्ष्य जनकपुरले निर्धारित २० ओभरमा ५ विकेट गुमाएर पुरा गर्‍यो ।  जनकपुरका लागि चाडविक वाल्टनले अविजित ६९ रन जोडे ।

यसअघि टस जितेर पहिले ब्याटिङ गरेको बिराटनगरले निर्धारित २० ओभरको १ बल बाँकी छदै सबै विकेट गुमाउँदै १ सय ४० रन जोड्यो । बिराटनगरका लागि सिकन्दर राजाले सर्वाधिक ३८ तथा रोहित पौडेलले ३२ रन बनाए ।

जनकपुरका ललित राजबंशीले सर्वाधिक ५ विकेट लिए । लिगमा ५ विकेट लिने उनी पहिलो खेलाडी हुन् । केसरिक विलियम्स र आदिल आलमले समान २-२ विकेट हात पारे ।

यसअघि बिराटनगरले लुम्बिनी अल स्टार्ससँग ३ रनको पराजय भोगेको थियो भने जनकपुरले पोखरा एभेन्जर्सलाई ५ विकेटले पराजित गरेको थियो ।