देशभर थपिए ४८ सय ९७ कोभिड संक्रमित, उपत्यकामा मात्रै २ हजार ४७ संक्रमित

काठमाडौँ : नेपालमा बुधबार थप ४ हजार ८९७ जनामा कोभिड-१९ संक्रमण पुष्टि भएको छ । देशभर गरिएको १३ हजार ८ सय ७९ जनाको पीसीआर परीक्षणका क्रममा ४ हजार ७७४ र ९५५ एन्टीजेन परीक्षणका क्रममा थप १२३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । नेपालमा थप ७७३ जना संक्रमणमुक्त भएका छन् भने ५४ जना क्‍वारेन्टाइनमा छन् । 

उपत्यकामा पछिल्लो २४ घण्टामा २ हजार ४७ जनामा कोभिड संक्रमण पुष्टि भएको छ । मन्त्रालयका अनुसार भक्तपुरमा २ सय ३२ ललितपुरमा ३ सय ५१ र काठमाडौँमा १४ सय ६४ जनामा कोभिड संक्रमण पुष्टि भएको हो ।