एमाले गठबन्धनको सरकार : प्रधानमन्त्री प्रचण्ड, राष्ट्रपति एमाले, सात दलका १६६ सांसदको साथ

काठमाडौं– नेकपा माओवादी केन्द्रका अध्यक्ष पुष्पकमल दाहाललाई नयाँ प्रधानमन्त्री बनाउने विषयमा सहमति जुटेको छ । नेकपा एमाले अध्यक्ष केपी शर्मा ओली निवास बालकोटमा आइतबार बसेको बैठकले प्रचण्डलाई प्रधानमन्त्रीमा स्वीकार गरेको हाे ।  

एमाले गठबन्धनको सरकारमा सात दलका १६६ सांसदको सहभागी हुनेछ । नयाँ सरकारमा एमालेका ७८, माओवादी केन्द्रका ३२, राप्रपाका १४, जसपाका १२, जनमत पार्टीका ६ र नागरिक उन्मुक्ति पार्टीका ४ सांसदको साथ छ । 

पद बाँडफाँटमा अर्का दुई महत्वपूर्ण राष्ट्रपति र सभामुख एमालेको भागमा परेको छ । 

१६६ सांसदको हस्ताक्षर राष्ट्रपति विद्यादेवी भण्डारीलाई बुझाउने तयारी भइरहेको छ । राष्ट्रपति भण्डारीले दलहरूलाई सरकार गठनका लागि दिएको समय आइतबार साँझ ५ बजे सकिँदैछ ।