साउथ अफ्रिका टी-२० लिग : ५३ करोड ७१ लाख पुरस्कार

काठमाडौँ- पहिलो संस्करणको साउथ अफ्रिका टी-ट्वान्टी लिगका लागि ७० मिलियन रान्ड (दक्षिण अफ्रिकी रकम) अर्थात ५३ करोड ७१ लाख नेपाली पुरस्कार राखिएको छ ।

पहिलो संस्करणको फ्रेन्चाइज्ड लिग आगामी जनवरी १० देखि फेब्रुअरी ११ सम्म संचालन हुनेछ । ६ टिमको सहभागिता रहने लिगको पहिलो खेलमा एमआई केप टाउन र पर्ल रोयाल्सबीच प्रतिस्पर्धा हुनेछ ।

पहिलो चरणमा डबल राउन्ड रोबिन, त्यसपछि सेमिफाइनल र फाइनल हुने लिगमा जम्मा ३३ खेल हुने आईएएनएसले जनाएको छ ।