सल्यानमा बस दुर्घटना हुँदा १५ घाइते

सुर्खेत । सल्यानमा बस दुर्घटना हुँदा १५ जना घाइते भएका छन् । छत्रेश्वरी गाउँपालिका १ दमाचौरबाट दाङ तुलसीपुर जाँदै गरेको २५३ नम्बरको मिनी बस सिद्धकुमाख गाउँपालिकाको पटारेमा दुर्घटना भएको हो।

जिल्ला प्रहरी कार्यालय सल्यानका अनुसार गाडी सडकबाट झण्डै ५० मिटर तल खसेको छ । घाइतेको सामुदायिक अस्पताल श्रीनगरमा उपचार भइरहेको प्रहरीले जनाएको छ । तीन जनालाई उपचारको लागि नेपालगंज लगिएको प्रहरीले जनाएको छ ।