निर्वाचन परिणामसहितको प्रतिवेदन आज राष्ट्रपति समक्ष बुझाउँदै आयोग

काठमाडौँ - निर्वाचन आयोगले  प्रतिनिधि सभा र प्रदेश सभा निर्वाचन परिणामको प्रतिवेदन बिहीबार (आज) राष्ट्रपति समक्ष बुझाउने भएको छ । आज राष्ट्रपति विद्यादेवी भण्डारी समक्ष प्रतिनिधिसभा सदस्य निर्वाचनको परिणामसहितको प्रतिवेदन प्रस्तुत गरिने प्रमुख निर्वाचन आयुक्त दिने थपलियाले जानकारी दिए । उनका अनुसार आगामी पुस २ गते प्रदेशसभा सदस्य निर्वाचन २०७९ को परिणामसहितको प्रतिवेदन सातै प्रदेशको राजधानीमा प्रदेशका प्रदेश प्रमुखहरूसमक्ष प्रस्तुत गरिने छ । 

आयोगले सम्पूर्ण निर्वाचनको अन्तिम परिणामसहितको प्रतिवेदन निर्वाचनको नतिजा घोषणा भएको सात दिनभित्र राष्ट्रपतिसमक्ष र प्रदेशसभाको हकमा प्रदेश प्रमुखसमक्ष पठाउनुपर्ने प्रावधान छ । 

प्रतिनिधिसभा तथा प्रदेशसभा सदस्य निर्वाचन २०७९ को प्रतिवेदन पठाइसकेपछि निर्वाचित सदस्यहरूको नामावली नेपाल राजपत्रमा प्रकाशित गरिनेछ । 

प्रतिनिधि सभा र प्रदेश सभाको समानुपातिक निर्वाचन प्रणालीबाट निर्वाचित सांसदहरूलाई पुष ३ गते आइतबार निर्वाचित प्रमाणपत्र दिइने पनि उनले बताए ।