इंडियन आर्मी बनाईदिने भन्दै २ कराेड ठगी

मोरङ-​ इंडियन आर्मी बनाईदिन्छु भनी करिब २ करोड रूपैयाँ ठगी गरेको अभियोगमा एक व्यक्ति पक्राउ परेका छन् । प्रहरीले पथरीशनिश्चरे नगरपालिका-३ बस्ने ४३ वर्षीय नरेन्द्र पाख्रिङ तामाङलाई प्रहरीले पक्राउ गरेको हाे ।

तामाङले करिब २५ जना जनालाई इंडियन आर्मी बनाउँछु भनि जनही ५ देखि ६ लाख उठाएका थिए । उक्त रुपैयाँ ठगी गरेको भन्ने खबर प्राप्त हुनासाथ ईलाका प्रहरी कार्यालय पथरीबाट खटिएको प्रहरीले उनलाई उनकै घरबाट पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।