कोभिड-१९ संक्रमित बढेपछि सुर्खेतमा निषेधाज्ञा

सुर्खेत : कोभिड–१९ संक्रमित बढ्न थालेपछि कर्णाली प्रदेशको राजधानी सुर्खेतमा पनि निषेधाज्ञा जारी गरिएको छ । भोलि (मंगलबार)देखि लागू हुने गरी निषेधाज्ञा आदेश जारी गरिएको हो ।

जिल्ला कोरोना संकट व्यवस्थापन समितिले भोलि राति १२ बजेदेखि एक हप्ता निषेधाज्ञा जारी गर्ने निर्णय गरेको सुर्खेतका प्रमुख जिल्लाअधिकारी छविलाल रिजालले जानकारी दिए । ‘सुर्खेतमा भोलिदेखि जिल्लाभर एक हप्ता निषेधाज्ञा जारी गर्ने निर्णय भएको छ,’ रिजालले भने, ‘कोरोना नियन्त्रणभन्दा बाहिर जान थालेपछि निषेध आदेश लागू गर्न लागिएको हो ।’ सुर्खेतमा मात्रै तीन सय  बढी सक्रिय कोरोना संक्रमित थपिएका छन् ।