कनेक्ट आइपिएसले ल्यायो 'विन्टर अफर'

काठमाडौँ-  कनेक्ट आइपिएसले बैंक खातामा आधारित भुक्तानीहरूलाई थप प्रोत्साहन गर्न ‘विन्टर अफर’ ल्याएको छ ।  उक्त अफर अन्तर्गत मङ्सिर १ गते देखि माघ २९ गते सम्म प्रयोगकर्ताहरूले कनेक्ट आइपिएसमा रजिष्टर गर्दा तथा भुक्तानी गर्दा विभिन्न फाइदाहरू प्राप्त गर्न सक्नेछन् ।  

बैंकका ग्राहकहरूले कनेक्ट आइपिएसमा नयाँ युजर बनाउँदा आफ्नो रजिष्टर गरिएको मोबाइल नम्बरमा रु २५ को रिचार्ज प्राप्त गर्न सक्नेछन् भने नयाँ युजरले पहिलो पटल मोबाइल रिचार्ज वा बिजुलीको बिल भुक्तानी गर्दा खातामै रु २५ क्यासब्याक पनि प्राप्त गर्न सक्नेछन् ।

त्यसै गरी कनेक्ट आइपिएस प्रयोगकर्ताले इन्टरनेटको बिल भुक्तानी गर्दा रु १०० क्यासब्याक प्राप्त गर्नेछन् भने हरेक महिना ५ भाग्यशाली विजेताले निःशुल्क वार्षिक सब्सक्रिप्सन(अधिकतम रु १५,००० सम्म) समेत प्राप्त गर्न सक्नेछन् ।    

बैंकका ग्राहकहरूले कनेक्ट आइपिएस मोबाइल एप डाउनलोड गरी वा कनेक्ट आइपिएस डटकममा गई नयाँ युजर बनाउन सक्नेछन् र एक पटकको भेरीफिकेसन पश्चात एक वा सो भन्दा बढी बैंक खाता लिन्क गरी अन्लाईन सेल्फ भेरिफाइ   वा सम्बन्धित बैंक वित्तीय संस्था मार्फत एक पटक भेरीफाइ गराउनु पर्ने कम्पनीले जनाएको छ।

कनेक्ट आइपिएस बैंकका ग्राहकहरूका लागि एकै प्लाटफर्म मार्फत एक भन्दा बढी खाता लिन्क गरी फण्ड ट्रान्सफर लगायत विभिन्न भुक्तानीहरू गर्नका निम्ती एक सजिलो माध्यम हो । कनेक्ट आइपिएसको वेब मार्फत प्रति कारोबार रु २० लाख सम्म र यसको मोबाइल एप मार्फत प्रति कारोबार २ लाख सम्मको भुक्तानी गर्न सकिन्छ । यस मार्फत मोबाइल रिचार्ज, बिजुलीको बिल, टेलिफोनको बिल, इन्टरनेटको बिल, स्कुल फी, हायर पर्चेज, सरकारी राजस्व, लोकसेवा,  ट्राफिक फाइन, शेयर कारोबार लगायतका थुप्रै प्रकारका भुक्तानीहरू गर्न सकिन्छ ।