सुनको भाउ घट्यो

काठमाडौं : स्थानीय बजारमा सुनको मूल्यमा सामान्य घटेको छ । बुधबारको तुलनामा बिहीबार तेजाबी सुन प्रतितोला २०० रुपैयाँ घटेर ९४,७०० रुपैँयामा कारोबार भैरहेको छ । त्यस्तै चाँदीको मूल्य भने स्थिर रहेको छ । आज पनि चाँदी प्रतितोला १,२२० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।

खासगरी अमेरिकी राष्ट्रपति निर्वाचनमा निर्वाचनको मतगणनाको क्रममा तनाव उत्पन्न भएपछि लगानीकर्ताले सुरक्षित लगानी गन्तव्यको रुपमा सुनमा लगानी बढाउँदा यो साताको सुरुवातमा भने सुनचाँदीको मूल्य बढेको थियो ।