धनगढी उपमहानगरले सडक क्षेत्रमा पर्ने संरचनामा डोजर चलायो

कैलाली- धनगढी उपमहानगरपालिकाले आज पनि सडक क्षेत्रमा पर्ने संरचनामा डोजर चलाएको छ । कैलालीपुलदेखि क्याम्पसरोडसम्मको सडक चौडा गर्ने कार्य अन्तर्गत लक्ष्मी नारायण मन्दिरको स्वामित्वमा रहेको एलएन चोकका भवनमा डोजर चलाइएको हो ।

उपमहानगरपालिकाले यसअघि सूचना जारी गर्दै सडक क्षेत्र खाली गर्न भनेको थियो । सोही अनुरुप सडक क्षेत्रमा पर्ने संरचना हटाउन सुरु गरेको हो ।

उपमहानगरपालिकाका मेयर गोपाल हमाल स्वयं उपस्थित भएर सडक क्षेत्रभित्र पर्ने संरचनामा डोजर चलाइको हो । 

मेयर हमालले यसअघि छठ पछि संरचना भत्काउने सूचना जारी गरेका कारण डोजर चलाइएको बताए । 

उपमहानगरपालिकाले कैलालीपुलदेखि क्याम्पस रोडसम्म सडकको दुबैतिर १५/१५ मिटरभित्र पर्ने संरचना हटाउन सूचना जारी गरेको थियो ।