चुनावी प्रचारका लागि माओवादीको र्‍याप गीत सार्वजनिक

काठमाडौं– आउँदो प्रतिनिधि तथा प्रदेश सभा निर्वाचनलक्षित नेकपा माओवादी केन्द्रको चुनावी प्रचार गीत सार्वजनिक भएको छ । युवा मतदातालाई लक्षित गर्दै र्‍याप गीत बजारमा ल्याइएको हो ।

गीतलाई नयाँ शैली, नयाँ प्रस्तुति-मन मनमा प्रचण्ड, मन मनमा माओवादी नारा दिइएको छ । गीत माओवादीको यूट्युव च्यानलबाट सार्वजनिक गरिएको हो । जगत तिरुवाको स्वर तथा संगीत रहेको गीत्लाई केशव बडुले संगीत संयोजन गरेका छन् ।

गीतभित्र माओवादी यसअघि गरेका कामहरु पनि समावेश छ । गीतमा माओवादीलाई भोट, प्रचण्डलाई भोट दिनु आव्हान गरिएको छ ।