गौरिका र प्रकाश कोइराला फोर्ब्सको सूचीमा

काठमाडौं : नेपालका दुई युवा फोर्ब्स म्यागाजिनको सूचीमा परेका छन् । एसियाका प्रभावशाली ३० युवाको सूचीमा नेपालबाट खेलाडी गौरिका सिंह र युवा अभियान्‍ता प्रकाश कोइराला परेका हुन् । 

 ‘इन्टरटेन्मेन्ट एण्ड स्पोर्टस्’ विधाबाट गौरिका सिंह एसियाका ३० प्रभावशाली युवाको सूचीमा परेकी हुन् । यस्तै ‘फाइनान्स एण्ड भेन्चर क्यापिटल’ विधामा प्रकाश कोइरालाले एसियाका ३० युवामा आफ्नो नाम लेखाएका हुन् । फोर्ब्सले मंगलबार सार्वजनिक गरेको सूचीअनुसार विभिन्न १० विधामा प्रभावशाली ३०–३० युवाहरु समावेश गरिन्छ ।

गौरिका सिंह पछिल्लो ९ वर्षदेखि पौडी खेल्दै आएकी छन् । उनले विभिन्न उपाधिहरु जितेकी छन् । यस्तै सन् २००९ यता वित्तीय साक्षरता कार्यक्रम चलाइरहेका अभियान्ता प्रकाश कोइराला पनि यो सूचीमा परेका छन् । फिनलिट नेपालका संस्थापकरहेका उनी कमजोर आय भएका मानिसलार्य आधारभूत वित्तीय शिक्षा प्रदान गर्दै आएका छन् फोब्र्सले उल्लेख गरेको छ ।

गौरिका र कोइराला यो सूचीमा परेपछि अरु युवाहरुमा पनि प्रेरणा थपिएको छ ।