श्रीमती हत्या गरेको अभियोगमा एक पक्राउ

गुल्मी- श्रीमती हत्या गरेकाे आराेपमा एक जना पक्राउ परेका छन् । ४० वर्षीया ताल कुमारी कुमालको हत्या गरेको अभियोगमा मुसिकोट नगरपालिका-७ बसेरी बस्ने ४२ वर्षीय सूर्य कुमाललाई प्रहरीले पक्राउ गरेको हाे ।

सूर्यको कुटपिटबाट गम्भीर घाइते भएकी उनको लुम्बिनी वामी हस्पिटलमा उपचारको क्रममा मृत्यु भएको हो । घटनापश्चात जिल्ला प्रहरी कार्यालय गुल्मी र प्रहरी चौकी वामीबाट खटिएको प्रहरीले सूर्य कुमारलाई पक्राउ गरेको हो ।  

यस सम्बन्धमा प्रहरीले आवश्यक अनुसन्धान गरिरहेको छ ।