नेपालमा थप १०९६ जनामा कोभिड संक्रमण, ८ जनाको मृत्यु

काठमाडौँ : नेपालमा पछिल्लो समय कोभिड संक्रमणदर बढ्दै गएको छ । आइतबार थप १०९६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डाक्टर जागेश्वर गौतमकाअनुसार आइतबार ५०८४ पिसिआर परीक्षणबाट १०१५ र ६९९ एन्टीजेनबाट ८१ जनामा संक्रमण पुष्टि भएको हो । 

मन्त्रालयका अनुसार काठमाडौं उपत्यकामा सबैभन्दा बढि ४३५ जनामा संक्रमण पुष्टि भएको छ । यसमध्ये ३२६ जना काठमाडौँमा, ६४ जना ललितपुर तथा ४५ जना भक्तपुरका रहेका छन् । त्यस्तै कोभिडका कारण थप ८ जनाको मृत्यु भएको छ । हालसम्म तीन हजार ८३ जनाको कोभिडका कारण मृत्यु भएको छ । त्यस्तै पछिल्लो २४ घन्टामा २६२ जना संक्रमणमुक्त भएको मन्त्रालयले जनाएको छ । हालसम्म नेपालमा दुई लाख ७५ हजार ३ सय जना कोरोनामुक्त भएको प्रवक्ता गौतमले बताए । 

हाल ६ हजार २ सय ९० जना आइशोलेशनमा र ८५ जना क्वारेन्टाइनमा छन् भने हालसम्म २३ लाख ४५ हजार ५०१ वटा पीसीआर गरिएको प्रवक्ता गौतमले जानकारी दिए ।