कोभिड महामारीविरुद्ध स्वास्थ्य सुरक्षा अपनाउन राष्ट्रपतिको आग्रह

काठमाडौँ : राष्ट्रपति विद्यादेवी भण्डारीले कोभिड-१९ महामारी विरुद्ध सरकारले जारी गरेका जनस्वास्थ्यका सुरक्षात्मक उपायहरू पालना गर्न सबैलाई आग्रह गरेकी छन् । सामाजिक सञ्‍जाल ट्‍वीटरमा राष्‍ट्रपति भण्डारीले नेपाल सरकारको प्रभावकारी प्रतिकार्य रणनीति र नागरिकको धैर्यताका कारण कोभिड-१९ नियन्त्रण उन्मुख रहेकोमा केही समययता संक्रमणको जोखिम पुनः बढेर गएको भन्दै सुरक्षाका उपाय अपनाउन आग्रह गरेकी छन् । 

'कोभिड-१९ महामारी विरुद्ध नेपाल सरकारको प्रभावकारी प्रतिकार्य रणनीति र नागरिकको धैर्यताका कारण यो नियन्त्रण उन्मुख रहेकोमा केही समययता संक्रमणको जोखिम पुनः बढेर गएको हुनाले सरकारले जारी गरेका जनस्वास्थ्यका सुरक्षात्मक उपायहरू अझ कडाईका साथ पालना गर्न म सबैमा हार्दिक आह्वान गर्दछु,' राष्ट्रपति भण्डारीले ट्‍वीटरमा लेखेकी छन्।

कोभिड-१९ नियन्त्रणका सम्बन्धमा प्रधानमन्त्री केपी शर्मा ओलीले शनिबार मात्रै सर्वदलीय बैठक बोलाएर छलफल गरेका थिए । त्यस्तै आज मात्रै बसेको कोभिड-१९ संकट व्यवस्थापन केन्द्रको बैठकले विद्यालय बन्द गर्न मन्त्रिपरिषद्लाई सिफारिस गर्ने निर्णय गरेको छ । 

कोभिड–१९ महामारी विरुद्ध नेपाल सरकारको प्रभावकारी प्रतिकार्य रणनीति र नागरिकको धैर्यताका कारण यो नियन्त्रण उन्मुख रहेकोमा केही समययता संक्रमणको जोखिम पुनः बढेर गएको हुनाले सरकारले जारी गरेका जनस्वास्थ्यका सुरक्षात्मक उपायहरू अझ कडाईका साथ पालना गर्न म सबैमा हार्दिक आह्वान गर्दछु।

— Bidya Devi Bhandari (@PresidentofNP) April 17, 2021