डेब्यु ब्याट्सम्यान भुर्तेल र आसिफको अर्धशतक

काठमाडौँ : नेदरल्यान्डस्विरुद्धको त्रिकोणात्मक टी-ट्वान्टी श्रृङ्खलामा १३७ रनको लक्ष्य पछ्याएको नेपालले राम्रो सुरुवात गरेको छ । त्रिवि क्रिकेट मैदानमा नेपालले याे समाचार तयार पार्दासम्म १४ ओभरकाे खेल सिकदा १ विकेट गुमाएर १३० रन बनाएकाे छ ।

नेपालका ओपनर ब्याट्सम्यान कुशल भुर्तेल र आसिफ शेखले अर्धशतक बनाएका छन् । भुर्तेल ६२ रन बनाएर आउट भएका छन् । ४६ बल खेलेका भुर्तेलले ५ चाैका र ५ छक्काकाे सहयाेगमा ६२ रनकाे अर्धशतकीय पारी खेलेका हुन् । यस्तै अर्का ओपनर ब्याट्सम्यान आसिफ शेख नटआउट ५४ रन बनाएर खेलिरहेका छन् । 

नेपालले ११६ रन बनाउँदा पहिलो विकेट गुमाएको हाे । दुवै जनाले आजैको खेलबाट डेब्यु गर्दा नेपाललाई शानदार सुरुवात दिलाएका हुन् । यअसघि टस हारेर पहिले ब्याटिङ गरेको निर्धारित २० ओभरमा ४ विकेट गुमाएर १३६ रन बनाएको थियो ।