मधेस स्वास्थ्य विज्ञान प्रतिष्ठान बनाउने बाटो खुल्यो

जनकपुरधाम : ‘मधेश स्वास्थ्य विज्ञान प्रतिष्ठान सम्बन्धमा व्यवस्था गर्न बनेको विधेयक’ प्रदेश प्रमुख तिलक परियारले प्रमाणिकरण गरेका छन् । प्रदेश २ को प्रदेशसभाबाट कात्तिक २ गते पारित भएको  विधेयक मंगलवार प्रदेश प्रमुख परियारले नेपालको संविधानको धारा २०१ को उपधारा २ बमोजिम प्रमाणीकरण गरेका हुन् ।

हालसम्म ३५ वटा पारित भएको विधेयक मध्ये प्रदेश प्रमुख परिवारबाट प्रमाणीकरण भएको मधेश स्वास्थ्य विज्ञान प्रतिष्ठान १३ औं विधेयक रहेको प्रदेश प्रमुखको सचिवालयले जनाएको छ ।

सामाजिक विकास मन्त्री नवल किशोर साहले पेश गरेको विधेयक सभाबाट सर्वसम्मत पारित भएको थियो । प्रस्ताव पारित भएसँगै प्रदेश सरकारलाई मधेस स्वास्थ्य विज्ञान प्रतिष्ठान बनाउने बाटो खुलेको छ । विधेयकमा जनकपुरधामस्थित प्रादेशिक अस्पताललगायत विभिन्‍न अस्पताललाई विस्तार गर्ने विषय समेटिएको छ ।