कपिलवस्तुमा अज्ञात समूहद्वारा गोली प्रहार, एककाे मृत्यु

बुटवल- कपिलवस्तुमा अज्ञात समूहद्वारा गोली हानी एक जनाकाे हत्या गरिएको छ । जिल्लाको मायादेवी गाउँपालिका वडा नं. ६ मदरहवा बस्ने ५५ वर्षीय राम समुझ भन्ने घुरहु पासीलाई गोली हानी हत्या गरिएको प्रहरीले जनाएको छ ।

पासीलाई मायादेवी गाउँपालिका वडा नं. ५ को महादेवको एक खाली घरमा गोली हानेर हत्या गरिएको प्रहरीले जनाएको हो ।

घटनास्थलमा प्रहरीको टोली पुगेर शवलाई पोस्टमार्टमका लागि कपिलवस्तु अस्पताल ल्याएको र घटनाबारे थप अनुसन्धान भइरहेको प्रहरीले जनाएको छ ।