नेपाल र केन्याबीचको सिरिज समयमै नहुने संकेत

काठमाडौँ- भिसा नआएका कारण पाँच खेलाडी केन्या जान नपाएपछि नेपाल र केन्याबीच हुने भनिएको पाँच खेलको टी-ट्वान्टी अन्तर्राष्ट्रिय सिरिज समयमै नहुने सम्भावना बढेको छ । 

नेपाल क्रिकेट संघ (क्यान)ले केन्या भ्रमणका लागि १६ सदस्यीय टिमको घोषणा गरेको थियो । टिम सोमबार नै केन्याका लागि प्रस्थान गरेको थियो तर १६ मध्ये केवल ११ खेलाडीमात्र केन्याका लागि उडे । 

भिसा नआएपछि बसिर अहमद, शाहब आलम, आदिल अलाम, विवेक यादव र सोमपाल कामी भने जान पाएनन् । व्यवस्थापक सुनील महासेठ तथा भारतीय ट्रेनर अब्दुल सतार पनि भिसा नआएपछि त्यसतर्फ जान पाएनन् ।

नेपालले केन्याबीचको पाँचमध्येको पहिलो टी-ट्वान्टी अन्तर्राष्ट्रिय खेल अगस्ट २५ अर्थात बिहीबार हुने तालिका रहेको छ । त्यसैगरी अन्य चार खेल अगस्ट २६, २८, २९, ३० मा खेलिने तालिका रहेको छ । टी-ट्वान्टीपछि नेपाल र केन्याबीच सेप्टेम्बर २, ३ र ५ मा तीन खेलको एकदिवसीय सिरिज हुनेछ । 

तर पूरै टिम केन्या नपुगेपछि सिरिज समयमै नहुने संकेत देखिएको छ । क्यानका कार्यवाहक सचिव प्रशान्त विक्रम मल्लले पूरै टिम नपुगेसम्म सिरिजका खेल नहुने इकागजलाई बताए । ‘जबसम्म पूरै टिम केन्या नपुगेसम्म खेल हुँदैन,’ मल्लले भने । 

मल्लका अनुसार भिसाका लागि प्रयास भइरहेको तथा भिसा आउने बित्तिकै उनीहरूलाई केन्या पठाइनेछ । 

तर, भिसा प्राप्त गरेका ११ खेलाडी, टेक्निकल एनालिस्ट रमन सिवाकोटी, फिजियो विक्रम न्यौपाने तथा मुख्य प्रशिक्षक मनोज प्रभाकर भने सोमबार नै केन्या प्रस्थान गरेका हुन् ।

नेपाली टिमः