चेम्बरद्वारा महिलाहरूलाई डिजिटल मार्केटिङ तालिम

काठमाडौं– नेपाल महिला चेम्बरको आयोजनामा डिजिटल मार्केटिङ तालिम सम्पन्न भएको छ ।  सूचना प्रविधिको विकाससँगै वस्तुहरुको उत्पादन, प्रवर्द्धन एवं बजारीकरणमा  सहयोग गर्ने उद्देश्यले नेपाल चेम्बर अफ कमर्स अन्र्तगतको महिला चेम्बरले डिजिटल मार्केटिङ तालिमको आयोजना गरेको थियो ।

करिब एकसाता चलेकोे तालिममा ३४ जना महिलाहरुले सहभागिता जनाएका थिए । कार्यक्रम समापन गर्दै चेम्बरकी अध्यक्ष उर्मिला श्रेष्ठले नेपाली महिलाहरुलाई मुलुकको आर्थिक क्रियाकलापमा सहभागी गराउन तालिमको आयोजना गरिएको बताइन्।  चेम्बरले विभिन्न क्षेत्रमा तालिम आयोजना गर्दै आईरहेको भन्दै श्रेष्ठले आगामी दिनमा पनि निरन्तरता दिने बताएकी छन् । 

सूचना प्रविधिमा महिला नामक संस्थाकी अध्यक्ष गुण केशरी प्रधानले महिलाहरुको सशक्तीकरणका लागि नेपाल महिला चेम्बरसँग सहकार्य गर्ने गरिएको बताएकी छन् ।  

चेम्बरले यस अघि फोटोग्राफी, मैनबत्ती बनाउने तथा बेकरी तालिम आयोजना गरेको छ ।  नेपाल महिला चेम्बरकी महासचिव लिमा अधिकारीले आर्थिक रुपमा सम्पन्न नभएसम्म महिलाहरुको अधिकार सुनिश्चित नहुने बताइन् ।