१७२ किलाे गाँजासहित एक जना पक्राउ

काठमाडौँ- प्रहरीले लागूऔषध गाँजासहित एक जनालाई पक्राउ गरेको छ । भारत उत्तर प्रदेशका लालविहारी यादवले चलाएकाे ट्यांकरमा एक सय ७२ किलोग्राम गाँजा ओसारपसार गर्दै गरेको अवस्थामा वीरगन्ज प्रहरीले उनलाई पक्राउ गरेको हो ।

प्रहरी कार्यालयबाट खटिएको विशेष टोलीले वडा नं.२१ परवानीपुर सडकखण्डमा भारतीय नं.प्लेट डब्लु. बि ११ ई ९०३३ को तेल ट्यांकरलाई रोकी जाँच गर्दा उक्त ट्यांकरको तेल हाल्ने ट्याङ्कीभित्र लुकाइछिपाइ राखेको अवस्थामा लागूऔषध गाँजा बरामद गरेको हो ।

जिल्ला ट्राफिक प्रहरी कार्यालय वीरगन्ज नजिकैबाट शनिबार चालक र ट्यांकरलाई नियन्त्रणमा लिएकाे प्रहरीले जनाएको छ । साना-ठूला गरी ४६ पोका जम्मा १७२ केजी लागूऔषध गाँजा फेला परेको प्रहरीले जनाएको छ ।