२४ घण्टामा ८५३ जना संक्रमणमुक्त

काठमाडौँ :  पछिल्लो २४ घण्टामा ८५३ जना कोभिड-१९ संक्रमित संक्रमणमुक्त भएका छन् । योसँगै एक लाख ६० हजार ५ सय ७७ जना संक्रमणमुक्त भएको स्वास्थ्य मन्त्रालयले जनाएको छ । 

मन्त्रालयकाअनुसार मंगलबार दुई हजार ७३६ जनामा कोभिड–१९ को संक्रमण पुष्टि भएको छ । यो सँगै नेपालमा कोभिड संक्रमितको संख्या एक लाख ९९ हजार ७६० पुगेको स्वास्थ्य तथा जनसंख्या मन्त्रालयले जनाएको छ । 

आज देशभर ३८ हजार ३५ जना सक्रिय संक्रमित छन् । पछिल्लो २४ घन्टामा २२ जना कोभिड संक्रमितको मुत्यु भएको मन्त्रालयले जनाएको छ ।  योसँगै नेपालमा कोभिड संक्रमणबाट मृत्यु हुनेको संख्या एक हजार १ सय ४८ पुगेको छ । क्वारेन्टाइनमा रहेका व्यक्तिहरुको संख्या एक हजार ५८ रहेको मन्त्रायले जनाएको छ ।