कीर्तिपुर नगरपालिका वडा नं. ७ का अध्यक्ष मालीको निधन

काठमाडौँ : कीर्तिपुर नगरपालिका वडा नम्बर ७ का अध्यक्ष राजकुमार मालीको निधन भएको छ । मस्तिष्कघात भएपछि ललितपुरस्थित वयोधा अस्पतालमा उपचार गराइरहेका मालीको आइतबार साँझ निधन भएको कीर्तिपुर नगरपालिकाका उप-प्रमुख एवं प्रवक्ता सरस्वती खड्काले जानकारी दिइन् । 

उप-प्रमुख खड्काका अनुसार अहिले नगरपालिका परिसरमा मालीको निधनमा शोक सभा भइरहेको छ । शोक सभा पछि मालीको पार्थिव शरीर श्रद्धाञ्जली दिने र नगरपरिक्रमासहित अन्तिम संस्कार गरिने उनले बताइन् । 

मालीले एमालेबाट उम्मेदवार भएर वडाध्यक्ष जितेका थिए । उनी एमाले काठमाडौं जिल्ला सिमिति सदस्यसमेत हुन् ।