कर्णालीका नवनियुक्त उद्याेगमन्त्री शाहीले आज शपथ ग्रहण गर्दै

सुर्खेत - कर्णाली प्रदेश,उद्योग, पर्यटन, वन तथा वातावरण मन्त्री  वीरबहादुर शाहीले आज पद तथा गाेपनीयताकाे शपथग्रहण गर्दैछन् । शपथ आज बिहान ११ बजे हुने छ । उनी गत बिहीबार मन्त्री नियुक्त भएका थिए। 

यसअघि मन्त्री रहेका गैरसांसद कार्चेन लामाको ६ महिने कार्यकाल सकिएसँगै डोल्पाबाट निर्वाचित सांसद शाहीलाई मन्त्री बनाउन माओवादी केन्द्रले सिफारिस गरेको थियो । 

मुख्यमन्त्री जीवनबहादुर शाहीले संविधानको धारा १५८ को उपधारा (९) बमोजिम नियुक्ती, हेरफेर र कार्यविभाजन गरी मन्त्रिपरिषद् गठन गरेको भन्दै शाहीको शपथका लागि प्रदेश प्रमुखको कार्यालयलाई सिफारिस गरेका थिए ।