कर्णालीका मन्‍त्रीत्रयको राजीनामा स्‍वीकृत

काठमाडौँ : कर्णाली प्रदेशमा एमालेका तीनजना मन्त्रीले दिएको राजीनामा मुख्यमन्त्री महेन्द्रबहादुर शाहीले स्वीकृत गरेका छन् । आर्थिक मामिला तथा योजना मन्त्री प्रकाश ज्वाला, सामाजिक विकास मन्त्री दल रावल र उद्योग, पर्यटन, वन तथा वातावरण मन्त्री माननीय नन्दसिं बुढाले दिएको राजीनामा मुख्‍यमन्‍त्री शाहीले शनिबार स्‍वीकृत गरेका हुन् ।

मन्‍त्रीत्रय ज्‍वाला, रावल र बुढाले मंगलबार मन्‍त्री पदबाट राजीनामा दिएका थिए । तीनै जनाको राजीनामा स्‍वीकृतपछि रिक्त रहेको उद्योग, पर्यटन, वन तथा वातावरण मन्त्रीको जिम्मेवारी आन्तरिक मामिला तथा कानुन मन्त्री नरेश भण्डारी, आर्थिक मामिला तथा योजना मन्त्री र सामाजिक विकास मन्त्रीको जिम्मेवारी भूमि व्यवस्था, कृषि तथा सहकारी मन्त्री माननीय विमला केसी दिएका छन् ।