थप २८८ जनामा कोभिड-१९ संक्रमण

काठमाडाैँ : पछिल्लो २४ घण्टामा देशभर २८८ कोभिड-१९ संक्रमित थपिएका छन् । चार हजार ७१ पीसीआर परिक्षण गर्र्दा यति संख्यामा कोभिड संक्रमित थपिएका हुन् ।  यो सँगै नेपालमा कोभिड संक्रमितको संख्या दुई लाख ७९ हजार ३८८ पुगेको छ । त्यस्तै, थप १२७ संक्रमित निको भएका छन् भने हालसम्म नेपालमा दुई लाख ७३ हजार ७३५ जना कोभिडमुक्त भएका छन् । 

शुक्रबार कोभिडबाट कसैको मृत्यु नभएको स्वास्थ्य तथा जनसंख्या मन्त्रालयले जनाएको छ । नेपालमा कोभिडका कारण तीन हजार ३८ जनाले ज्यान गुमााएका छन् । हाल २६ सय १५ जना आइसोलेसन र ८४ जना क्वारेन्टाइनमा छन् । हालस्म्म २३ लाख ६ हजार २४४ पीसीआर परीक्षण गरिएको मन्त्रालयले जानकारी गराएको छ ।