साफ यू-१७ च्याम्पियनसीपः नेपाल र भारत एउटै समूहमा

काठमाडौँ – श्रीलंकामा आयोजना हुने साफ यू-१७ च्याम्पियनसीप फुटबल अन्तर्गत नेपाल समूह ‘बी’ मा परेको छ । शनिबार भएको ड्र अनुसार नेपाल समूह ‘बी’ मा परेको हो ।

नेपालसँगै यस समूहमा भारत र भुटान रहेका छन् । सहभागी ६ टिममध्ये आयोजक श्रीलंका, माल्दिभ्स र बंगलादेश समूह ‘ए’ मा रहेका छन् ।

श्रीलंकाले सेप्टेम्बर ५ देखि १४ तारिखसम्म च्याम्पियनसीप आयोजना गर्दैछ ।