पत्रकार महासंघ चुनाव: बागमतीमा देवकोटा नेतृत्वको प्यानल विजयी

हेटौंडाः नेपाल पत्रकार महासंघको बागमती प्रदेश समितिमा शिव देवकोटा नेतृत्वको प्यानल विजयी भएको छ । बिहीबार साँझ सार्वजनिक भएको अन्तिम मतपरिणामअनुसार शिव देवकोटाले ५ सय ४१ मतसहित जित हासिल गर्दा हरिप्रसाद पोखरेल ४ सय २१ मतले निकटतम प्रतिद्वन्द्वी रहे भने गिरिजाप्रसाद अधिकारी २ सय ५४ मतसहित तेस्रो स्थानमा रहेको निर्वाचन समितिका सदस्य सुरेश श्रेष्ठले बताए ।

महासंघको प्रदेश समितिको उपाध्यक्षमा ४ सय ५५ मतसहित    रुपेश दुलाल विजयी भए । उपाध्यक्षका आकांक्षी हरिप्रसाद हुमागाईले ४ सय १ मत प्राप्त गरे भने नवराज छत्कुलीले ३ सय ३४ मत प्राप्त गरे । यस्तै महिला उपाध्यक्षमा नानीमैया (सम्झना) कार्की ६ सय ९० मतसहित विजयी हुँदा अर्की आकांक्षी संगीता आचार्यले ४ सय ८४ मत पाइन् । महासचिव पदमा कृष्ण सारु मगर ७ सय ६९ मतसहित विजयी हँुदा अर्का आकांक्षी केशव अधिकारीले ४ सय ३१ मत प्राप्त गरे । सचिवमा युवराज पुरीले ६ सय ५९ मतसहित विजयी हँुदा अर्का आकांक्षी दयाराम महतले ४ सय ९० मत प्राप्त गरे ।

समावेशी सचिवतर्फ राजन विक (गाउँले) ६ सय १७ मतसहित विजयी भए । अर्का आकांक्षी जीवन लामाले ५ सय ४३ मत प्राप्त गरे । कोषाध्यक्षमा रमेश ढुंगेल (६६२ मत) विजयी भए । अर्का आकांक्षी रामचन्द्र नेपाल (५११ मत) थिए । खुला सदस्यमा इकागजकर्मी जीवन कुँवर (६३८ मत), सुदीप सिवाकोटी (६१९ मत), रामहरि गजुरेल (६१८ मत), सन्तोष भुजेल (५६५ मत) र श्यामप्रसाद खतिवडा (५४८ मत) विजयी भए । महिला सदस्यमा सम्झना हुमागाई (६९० मत), अञ्जु तामाङ (६७६ मत) र ज्ञानु श्रेष्ठ (६२८ मत सहित विजयी भएको निर्वाचन समितिका सदस्य श्रेष्ठले जानकारी दिए । 

यसैगरी दलित सदस्यमा केशव नेपाली (६८० मत), आदिवासी जनजातिमा काजी श्रेष्ठ (६१८ मत) र पेमा लामा (६१७ मत) विजयी भए । २१ सदस्यीय प्रदेश समितिमा यसअघि मधेशी आरक्षणमा पवित्रा ढकाल (भगत) र प्रविणकुमार दत्ता निर्विरोध निर्वाचित भएका थिए भने अल्पसंख्यकतर्फ निराशी थामी निर्विरोध निर्वाचित भएकी थिइन् ।