डिसहोमले सुरु गर्‍यो आइपी टिभी

काठमाडौँ- इन्टरनेट सेवालाई द्रुत गतिमा विस्तार गरिरहेको डिसहोमले आइपी टिभी सञ्चालनमा ल्याएको छ। पछिल्लो समय प्रविधिमा आएको परिवर्तन र ग्राहकहरुको चाहनालाई मध्य नजर गरेर डिस मिडिया नेटवर्कले  आइपी टिभीको सेवा शुभारम्भ गरेको हो । डिसहोम आइपी टिभीको नाममा यो सेवा ग्राहकहरुले डिटिएचलाई जस्तै साथ र मायाका साथै अन्य सेवा प्रदायकको भन्दा गुणस्तरीय र उत्कृष्ट सेवा प्राप्त गर्ने कम्पनीले विश्वास छ । 

नेपालको एक मात्र डिटिएच सेवा प्रदायक डिस मिडिया नेटवर्क विगत १२ बर्ष देखि पे टिभी इन्डस्ट्रीमा आफ्नो बेग्लै पहिचान बनाउन सफल रहेको छ । २०६७ सालमा होम टिभीको नाममा आफ्नो सेवा प्रारम्भ गरेकोमा पछि डिस नेपालसँग मर्जर गरि डिसहोम नाममा आफ्नो सेवा लाई सञ्चालनमा ल्याएको थियो । नेपालका कुनाकाप्चासम्म टेलिभिजन सिग्नल पुर्‍याएर सञ्चारको क्षेत्रमा एक किसिमको क्रान्ति नै ल्याएको डिसहोमले ग्राहकहरुलाई उत्कृष्ट विभिन्न च्यानलहरूसँगै गुणस्तरीय बिक्री पछिको सेवा पनि प्रदान गर्दै आएको छ ।

पे टिभीमा मात्र आफ्नो सेवा प्रदान गरिरहेको डिस मिडिया नेटर्वकले आफ्नो व्यवसायलाई विस्तारसँगै अन्य सेवा प्रदायक भन्दा उत्कृष्ट, सर्वसुलभ र गुणस्तरीय सेवा प्रदान गर्नका लागि केवल टिभी, इन्टरनेट, टेरिस्टोरिएल (टिटु)  टिभी र आइपी टिभीमा समेत आफ्नो सेवालाई विस्तार गरेको छ । ग्राहकहरुको मन जित्न सफल इन्टरनेट सेवा डिसहोम फाइवरनेट, सवै भन्दाबढी सन्तुष्ट ग्राहक र ठुलो नेटवर्क रहेको केवल टिभी नेटवर्क सिम टिभी, र तार रहित टेरिस्टोरिएल (टिटु) टिभी मार्फत आफ्नो सेवा प्रदान गरिरहेको छ । 

डिटिएच र टेरिस्टोरिएल  भन्दा फरक प्रविधि इन्टरनेट प्रोटोकल बेस्ड यो आइपी टिभीमा सर्ट टिभी, रमाईलो टिभी, गुञ्जन, सिने हिट्स, जुनियर टिभी र नेपाली भाषामा लोकप्रिय कोरियन सिरिज जस्ता डि;होमका एक्सकुलिसिभ च्यानलहरु लगायत २ सय भन्दा बढी टिभी च्यानलहरु, ५ हजार घण्टा भन्दा बढी विभिन्न कन्टेन्टहरु, भिडियो अन डिमान्ड, क्याच अप टिभी स्टार्ट ओभर टिभी, युट्युब , टिकटक , लगायत अन्य विभिन्न एप तथा फिचर्सहरु उपलव्ध रहेकोछ । आइपी टिभी सेटटपको निम्न स्पेसिफिकेसन निम्न रहेको छः 

● Amlogic S905X 64bit quad core ARM® Cortex™ A53 CPU

● RAM: 1 GB / ROM: 8 GB ● 100 M RJ 45 Port

● Built in Wi-Fi 2.4 Ghz IEEE 802.11 a/b/g/n

● 2.0 USB Slots * 2

● Power Input: 12V/1 Amp                                                                                              

● Quick App Launch Buttons on the Remote

● Video Decoding: 4K * 2K @ 60fps H.265

● Audio Decoding: MPEG 1/2/2.5, AAC-LC/HEAAC