रुख ढल्दा बस र स्कुटर किचियो, ३ काे मृत्यु, १५ घाइते

काठमाडौं– भक्तपुरमा सडक छेउको रुख ढलेर बसलाई किच्दा १५ घाइते भएका छन् । भक्तपुर दुधपाटीतर्फ जाँदै गरेको बा २ ख ३५८४ नम्बरको बस र भक्तपुर दूधपाटीबाट सल्लाघारीतर्फ जाँदै गरेको बा ६१ प ३९७८ नम्बरको स्कुटरलाई किचेको हो ।

दुर्घटनामा ३ जनाकाे मृत्यु भएकाे जिल्ला प्रहरी परिसर भक्तपुरका डिएसपी राजु पाण्डेले इकागजलाई जानकारी दिए । मृत्यु हुनेमा भक्तपुर -२ का  विशेष खरबुजा रहेका छन् । मृत्यु भएका अन्य २ पुरुषकाे सनाखत हुन सकेकाे छैन ।

सल्लाघारी स्थित चोगां गणेशस्थित रहेको सडक छेउको सल्लाको रुख ढलेकाे हाे ।

घाइतेहरुको इवामुरा अस्पताल, भक्तपुर अन्तर्राष्ट्रिय अस्पताल र मध्यपुर अस्पतालमा उपचार भइरहेको प्रहरीले जनाएको छ ।