चिकित्सकमाथि हातपात भएपछि अस्पतालका सबै सेवा बन्द
साउन २, २०७९ सोमबार २०:२३
फाइल फोटो
सिन्धुपाल्चोक - सिन्धुपाल्चोकको इन्द्रावती गाउँपालिकामा रहेको नवलपुर प्राथमिक अस्पतालका चिकित्सकमाथि हातपात भएपछि अस्पतालका सबै सेवा बन्द भएको छ ।
अस्पतालका कार्यालय प्रमुख डा धर्मेन्द्र पाण्डेयमाथि आज दिउँसो सोही कार्यालयका पूर्वएम्बुलेन्स चालक चुनबहादुर रानामगरले बिरामी जाँच्ने कार्यकक्षमै गएर गालीगलौज तथा हातपात गरेका थिए । हातपात गर्ने पूर्वकर्मचारीलाई छानबिन गरी कारबाही नगरुञ्जेल अस्पतालबाट प्रवाह हुने आकस्मिक बाहेकका सबै सेवा बन्द गरिएको अस्पतालले विज्ञप्तिमार्फत जनाएको छ ।
कुटपिट गर्ने व्यक्ति फरार रहेको इलाका प्रहरी कार्यालय नवलपुरका प्रहरी नायब निरीक्षक कुमार चौलागाईंले जानकारी दिए । गाउँपालिकाले करार सेवामा रहेका हातपात गर्ने कर्मचारीलाई साउन १ गतेदेखि लागू हुने गरी सेवाबाट हटाएको थियो ।
रासस
आँखा उपचार सेवा विस्तार गर्न स्वास्थ्य मन्त्रालय र नेत्रज्योति सङ्घबीच सम्झौता
बिहेमा खाजा खाँदा जन्तीसहित एक सयभन्दा बढी बिरामी
डेंगु सङ्क्रमणको जोखिम बढ्ने, सतर्कता अपनाउन आग्रह
अब एआईले सम्झाउने छ श्वासप्रश्वाससम्बन्धी बिरामीलाई इन्हेलरको प्रयोग गर्न
गर्मीको फल जामुन खानुहोस्, मधुमेहवाट टाढा रहनु होस्
गर्मीको सुपर फुड करेला, झुक्किएर पनि नखानुहोस् यी चीजसँग
सरकार र आन्दोलनरत आवासीय चिकित्सकबीच चार बुँदे सहमति
प्रतिक्रिया