अली खानबाट घृणित टिप्पणीको अपेक्षा थिएनः कप्तान लामिछाने

काठमाडौँ – नेपाली राष्ट्रिय क्रिकेट टिमका कप्तान सन्दीप लामिछानेले अमेरिकी क्रिकेटर अली खानबाट नेपाली क्रिकेट समर्थकमाथि गरिएको घृणित टिप्पणीको अपेक्षा नरहेको बताएका छन् । 

अमेरिकी राष्ट्रिय क्रिकेट टिमका बलर अली खानले सामाजिक सञ्जाल ट्वीटरमा नेपाली समर्थक सबैभन्दा खराब भनेपछि कप्तान लामिछानेले खानबाट यस्तो अपेक्षा नरहेको प्रतिक्रिया दिए । 

लामिछानेले क्रिकेट खेल्ने सहकर्मीबाट घृणित टिप्पणीको आशा कहिल्यै नगरिएको लेख्दै उनले नेपाली जनताले क्रिकेटको श्वास फेर्ने र उनीहरुको रगतमा क्रिकेट रहेको प्रतिक्रिया दिएका छन् ।

लामिछानेले क्रिकेटले मानिसलाई एकतावद्ध गर्नुपर्छ र यसले मानिसलाई विभाजित गर्न नहुने लेखेका छन् ।

 

Never expected such a generalized and hateful comment from one of my cricket colleagues. The people of Nepal breathe cricket. It's in their blood. And they are a critical part of cricket world map. Sports should only bring people together & not divide them. #JaiNepal🇳🇵 https://t.co/V1SXbmMVwJ

— Sandeep Lamichhane (@Sandeep25) July 18, 2022