रुट र बेयरस्टोको शतकमा भारतमाथि इंग्ल्यान्डको शानदार जित

काठमाडौँ – घरेलु टोली इंग्ल्यान्डले भातरविरुद्धको पाँचौ टेष्ट क्रिकेट ७ विकेटले जितेको छ । अन्तिम खेल जितेसँगै पाँच खेलको सिरिज २-२ को बराबरीमा टुंगिएको छ । 

जितका लागि चाहिएको ३ सय ७८ रनको लक्ष्य इंग्ल्यान्डले केवल ३ विकेट गुमाएर पुरा गर्‍यो । इंग्ल्यान्डको जितमा जो रुट र जोन्नी बेयरस्टोले शतक पुरा गरे । रुटले अविजित १ सय ४२ रन जोड्दा बेयरस्टोले अविजित १ सय १४ रनको योगदान गरे । ​भातरका लागि जसप्रित बुमराहले २ विकेट हात पारे । 

यसअघि टस हारेर पहिले ब्याटिङ गरेको भारतले पहिलो इनिङ्समा रिषभ पन्तको १ सय ४६ रन तथा रविन्द्र जडेजाको १ सय ४ रनको मदतमा ४ सय १६ रन जोडेको थियो । इंग्ल्यान्डका लागि जेम्स एन्डरसनले सर्वाधिक ५ विकेट हात पारेका थिए । 

जवाफमा जोन्नी बेयरस्टोको १ सय ६ रन जोड्दा इंग्ल्यान्डले पहिलो इनिङ्समा २ सय ८४ रन जोडेको थियो । भारतका लागि मोहमद सिराजले सर्वाधिक ४ विकेट लिएका थिए । 

दोस्रो इनिङ्समा भने भारत २ सय ४५ रनमा समेटिएपनि इंग्ल्यान्डले ३ सय ७८ रनको विशाल लक्ष्य पाएको थियो । दोस्रो इनिङ्समा भारतका लागि चेतेश्वर पुजाराले सर्वाधिक ६६ तथा रिषभ पन्तले ५७ रनो जोडेका थिए । इंग्ल्यान्डका लागि बेन स्टोक्सले सर्वाधिक ४ विकेट हात पारेका थिए ।