माधव नेपाललाई सूर्य थापाको आग्रहः संयमित हुनुस्, नभए बिजोग होला है !

काठमाडौं : प्रधानमन्त्री केपी शर्मा ओलीका प्रेस सल्लाहकार सूर्य थापाले माधवकुमार नेतृत्वको बागी समूह अध्यारो सुरुङमा फसेको बताएका छन् । सुरुङमा फसेको नेपाल समूहको बाहिर निस्कने र अगाडि जाने ठाउँ नै नभएको उनको प्रतिक्रिया छ । ‘माधवकुमार नेपाल नेतृत्वको बागी समूह अँध्यारो सुरूङमा पसेको छ,’ सामाजिक सञ्जाल ट्वीटरमा उनले लेखेका छन्, ‘जसको बाहिर निस्कने अगाडि ठाउँ नै छैन, पछि फर्किन  त झनै मिल्दैन !’

उनले नेपाल पक्षलाई संयमित हुन पनि आग्रह गरेका छन् । अन्यथा विजोग हुने उनको भनाइ छ । ‘साथमा न पार्टी, न चुनाव चिन्ह, न त राजनीति नै छ, गुट, समानान्तर रवैया र आत्मनिन्दाको सर्वनाशको बाटो त्यागी संयमित हुन जरूरी छ। नभए बिजोग होला है !’ उनले लेखेका छन् । 

 

माधवकुमार नेपाल नेतृत्वको वागी समूह अँध्यारो सुरूङमा पसेकाे छ, जसकाे बाहिर निस्कने अगाडि ठाउँ नै छैन, पछि फर्किन त झनै मिल्दैन!
साथमा न पार्टी,न चुनाव चिन्ह,न त राजनीति नै छ, गुट, समानान्तर रवैया र आत्मनिन्दाकाे सर्वनाशकाे बाटाे त्यागी संयमित हुन जरूरी छ। नभए विजाेग हाेला है !

— Surya Thapa (@ThapajiSurya) April 3, 2021