काठमाडौँ मेयर कप क्रिकेट हुनेबारे छलफल

काठमाडौँ – काठमाडौँ महानगरपालिकाका मेयर बालेन्द्र शाह र नेपाल क्रिकेट संघ (क्यान) का महाप्रबन्धक वृतान्त खनालबीच आइतबार भेटवार्ता भएको छ । भेटवार्ताको क्रममा मेयर कपको नाममा क्रिकेट प्रतियोगिता आयोजना गर्ने बारे छलफल भएको छ ।

क्यानका महाप्रबन्धक खनालका अनुसार काठमाडौँको मेयर-११ क्रिकेट टिम बनाएर मेयर कप क्रिकेट प्रतियोगिता आयोजना गर्नेबारे छलफल भएको हो । उक्त प्रतियोगितामा प्रदेश स्तरीय टिम तथा क्लबको सहभागिता रहने गरी आयोजना गरिने बारे छलफल भएको खनालले बताए । 

यसका साथै प्यावसन र एनप्यावसनसँग मिलेर काठमाडौँ महानगरभित्रका विद्यालयमा क्रिकेटलाई प्रोत्साहन गर्ने विषयमा छलफल समेत भएको उनले जानकारी गराए ।