भुसाल र पाण्डे पनि ६ महिना निलम्बित

काठमाडौँ  : नेकपा एमालेले पार्टीका उपमहासचिव घनश्याम भुसाल र सुरेन्द्र पाण्डेलाई पनि ६ महिनाको लागि निलम्बन गरेको छ ।  वरिष्ठ नेता माधवकुमार रावल र उपाध्यक्ष भीम रावललाई ६ महिना निलम्बन गरेको एमालेले बिहीबार भुसाल र पाण्डेलाई पनि निलम्बन गरेको हो ।  

दुई–दुई पटक स्पष्टीकरण पत्र पठाएका भुसाल र पाण्डेले चित्तबुझ्दो जवाफ नदिएको भन्दै अध्यक्ष केपी शर्मा ओलीले कारबाही गरेको बताएका छन् । ओलीले पाटी सचिवालयलाई भुसाल र पाण्डेलाई निलम्बन गरेको जानकारी गराएका छन् । प्रधानमन्त्रीसमेत रहेका अध्यक्ष ओलीले पार्टी अनुशासन विपरित काम गरिरहे निलम्बन गरेकाहरूमाथि थप कारबाही हुने बताएका छन् ।