गायिका कँडेलको रोइलाभाका ‘कहाँ हो तिम्रो मावल’ बजारमा

काठमाडौँ - गायिका ऋतु कँडेलले ‘कहाँ हो तिम्रो मावल ?’ बोलको रोइला लोकगीत सांगीतिक बजारमा ल्याएकी छिन् । गीतको म्युजिक भिडियोमा गायिका कँडेलसँगै गायक शिरीष देवकोटाको सुमधुर स्वर छ ।

गीतको शब्द तथा संगीत पनि देवकोटाको नै रहेको छ । नेपालमा ठट्यौली शैलीको रोइला भाका धेरैले रुचाउने गरिन्छ । गायक शिरीष रोइला गीतमा लोकप्रिय मानिन्छन् । 

काजीस श्रेष्ठको निर्देशनमा बनेको भिडियोमा गायक गायिकासँगै मोडल अञ्जली अधिकारी र लोमस शर्माले अभिनय गरेका छन् । 

मौलिक शब्दहरूलाई समेटेर बनाइएको नयाँ भाकाको यो गीत दर्शक स्रोताले मन पराउने विश्वास गायिका कँडेलको छ । एक दशकदेखि सांगीतिक क्षेत्रमा सक्रिय गायिका कँडेलका थुप्रै गीत लोकप्रिय छन् । 

उक्त गीत कँडेलको आफ्नै युट्युब च्यानलमा हेर्न सकिन्छ ।