हङकङ क्रिकेट टिम तीन महिना लामो 'टुर'मा

काठमाडौँ – हङकङको पुरुष क्रिकेट टिमले विभिन्न प्रतियोगिता र सिरिजका लागि तीन महिनाको यात्रा गर्ने भएको छ । हङकङले तीन महिनाका दौरान नामिविया, युगाण्डा, दक्षिण अफ्रिका, जिम्बावे, इंग्ल्यान्ड र जर्सीको भ्रमण गर्ने भएको छ । 

हङकङले जुन १४ देखि २८ सम्म युगाण्डामा हुने आईसीसी च्यालेन्ज लिगमा सहभागिता जनाउने छ । तर युगाण्डाको भ्रमण अघि नामिवियासँग तीन खेलको एकदिवसीय सिरिज खेल्नेछ । 

त्यसपछि हङकङले जुलाई ८ देखि १८ सम्म जिम्बावेमा हुने आईसीसी टी-ट्वान्टी ग्लोबल छनोट खेल्नेछ । साथै जर्सीमा जुलाई २८ देखि अगष्ट १० सम्म हुने च्यालेन्ज लिगमा सहभागिता जनाउनेछ ।