फ्रान्स पराजित, नेदरल्यान्ड्स विजयी

काठमाडौँ – नेशन्स लिग अन्तर्गत डेनमार्कले फ्रान्सलाई स्तब्ध पारेको छ । स्टेड डी फ्रान्समा भएको खेलमा डेनमार्कले फ्रान्सलाई २-१ ले पराजित गरेको हो । 

डेनमार्कको जितमा दुबै गोल एन्ड्रीयास कोर्नेलियसले गरे । फ्रान्सका लागि एकमात्र गोल करिम बेन्जेमाले गरे । खेलको ५१ औँ मिनेटमा बेन्जेमाले फ्रान्सलाई अग्रता दिलाएका थिए । तर कोर्नेलियसले ६८ औँ र ८८ औँ मिनेटमा गोल गर्दै डेनमार्कलाई जित दिलाए । 

अन्य खेलहरुमा नेदरल्यान्ड्सले बेल्जियमलाई ४-१, मोल्डोभाले लिचेस्टाइनलाई २ -०, स्लोभाकियाले बेलारुसलाई १-०, अष्ट्रियाले क्रोएसियालाई ३-०, लाट्भियाले एन्डोरालाई ३-० तथा कजाखस्तानले अजरबैजानलाई २-० ले पराजित गर्यो ।