आईसीसीको वरीयतामा सीता ब्याटिङ र बलिङ दुवैतर्फ

काठमाडौँ – आईसीसीको महिलातर्फको टी-ट्वान्टी वरीयतामा नेपाली राष्ट्रिय महिला क्रिकेट टिमकी सदस्य सीता राना मगर ब्याटिङ र बलिङ दुबैतर्फ परेकी छन् ।

आईसीसीले सार्वजनिक गरेको नयाँ वरीयता अनुसार ब्याटिङतर्फ सीता ५२ औँ स्थानमा रहेकी छन् । त्यसैगरी बलिङतर्फ सीता ७५ औँ स्थानमा रहेकी छन् । 

ब्याटिङतर्फ नै ज्योती पाण्डे ८० औँ तथा इन्दु बर्मा ९९ औँ स्थानमा रहेका छन् । बलिङतर्फ कविता कुँवर ६१ औँ तथा कप्तान रुविना क्षेत्री ७१ औँ स्थानमा रहेका छन् ।